FLASH
Shkruar nga Pamfleti
Ish-ministri i drejtësisë Ylli Manjani ka folur me tone të ashpra për rrjedhjen e informacioneve nga institucionet e drejtësisë.
Manjani tha se kushdo që nxjerr dosjen hetimore të një personi, SPAK duhet “t’i presë kokën” në kuptimin ligjor.
Ai u shpreh gjithashtu se personat që zbulojnë materiale nga dosjet nuk duhet të tolerohen.
“Është bërë një frymë e papranueshme dhe nuk është as në favor të drejtësisë, as në favor të hetimeve të paanshme dhe as në favor të informacionit për publikun.
Praktika është që materialet e dosjes hetimore gjenden në publik. Kjo është e papranueshme. Koka, në kuptimin ligjor të fjalës, e një prokurori që është pronari i asaj dosje, duhet të bjerë njëherë që të mësohet njëherë e mirë kjo histori.
Nëse ka një punë për të bërë SPAK-u sot është të ndalojë duke prerë kokën ligjërisht prokurorit që është përgjegjës për një dosje hetimore”, tha ish-ministri për "Euronews Albania".
Lini një Përgjigje