FLASH
Shkruar nga Pamfleti
Kriza e çmimeve të naftës po jep efekt të drejtpërdrejtë në industrinë e ndërtimit në vend. Sipërmarrësi Zef Shtjefni deklaron se rritja e kostove të lëndëve djegëse po rëndon ndjeshëm aktivitetin e bizneseve.
Në një intervistë për "Report TV", ai theksoi se: “Pasojat po ndjehen menjëherë. Kemi 25% rritje të kostos në industrinë tonë, nga materialet tek lëndët djegëse”.
Sipas tij, ndikimi i naftës është i konsiderueshëm në strukturën e kostove: “Tek ne zëri i kostove që zë nafta është vendi i gjashtë, pas koksit dhe fuqisë punëtore, që edhe këto janë rritur”.
Shtjefni paralajmëroi se kjo situatë do të reflektohet drejtpërdrejt në treg: “Menjëherë do të reflektohet te çmimet. Rritja e çmimeve të produkteve automatikisht do të rrisë çmimet”.
Ai theksoi se bizneset nuk kanë hapësirë tjetër përveçse të përshtaten me kostot e reja: “Jemi të detyruar të lëvizim çmimet, përndryshe nuk rrimë dot në këmbë”.
Në lidhje me rolin e shtetit, sipërmarrësi u shpreh se ndërhyrja duhet të bëhet vetëm në raste abuzimi: “Qeveria duhet të ndërhyjë vetëm kur sheh spekulime. Ne nuk kemi asnjë tendencë për të spekuluar me produktet tona”.
Eksperti shtoi se situata është kritike për prodhuesit: “Ose do të lëvizim çmimet, ose do të fikim fabrikat. Realisht jemi në servis".
Sipas Shtjefnit, prodhuesit vendas nuk po përfitojnë nga situata: “Nuk i shikoj prodhuesit e brendshëm që kanë të bëjnë me naftën ose energjinë që spekulojnë".
ca mut lidhje ka nafta me apartamentet