FLASH
Shkruar nga Pamfleti
Me paratë e përfituara nga këto afera kriminale, sipas burimeve, familja Strakosha ndërtoi pasuri të konsiderueshme dhe investoi në karrierën e vajzës, e cila sot mban togën e gjyqtares. Ironia është e hidhur: paratë e korrupsionit të babait janë bërë themeli i karrierës së bijës në drejtësi.
Gjyqtarja Megi Strakosha, e njohur tashmë për sjelljen e saj arrogante dhe bullizuese ndaj avokatit Uljan Bajrami në sallën e gjyqit, është simboli i gjallë i mënyrës se si krimi dhe korrupsioni prodhojnë “drejtësi” në Shqipëri. Ajo mbron me ngulm prokurorin, ndërsa dhunon fjalën e mbrojtjes, duke e kthyer gjykatën në arenë të padrejtësisë.
Megi Strakosha nuk është një emër i rastësishëm. Ajo është vajza e Vasillaq Strakoshës, një eksponent i krimit, i dënuar nga SPAK për aferat korruptive me pronat publike në Himarë. I ati, dikur funksionar pranë Bashkisë Himarë, ka qenë autor i shitjes dhe tjetërsimit të tokave shtetërore me dokumente të falsifikuara në favor të oligarkëve. Pikërisht me paratë e atyre pronave të grabitura, vajza e tij u emërua gjyqtare dhe sot jep vendime “në emër të Republikës”.
Në një vend normal, lidhja e një gjyqtareje me një person të dënuar për korrupsion do të ishte mjaftueshëm për të pezulluar menjëherë nga detyra, por në Shqipëri, Megi Strakosha jo vetëm që nuk hetohet, por vazhdon të gjykojë, të bërtasë dhe të mbrojë prokurorë të korruptuar, duke dëshmuar se drejtësia shqiptare ka mbetur peng i baballarëve me dosje penale.
Skandali që ka shpërthyer në sallën e gjyqit me protagoniste gjyqtaren Megi Strakosha po trondit opinionin publik dhe botën e drejtësisë. Ajo u bë e njohur pas sjelljes së saj të papranueshme dhe bullizuese ndaj avokatit Uljan Bajrami, i cili kishte guxuar të denonconte hapur manipulimin e provave dhe bashkëpunimin e dyshimtë midis prokurorit dhe policisë.
Në vend që të ruante qetësinë, etikën dhe paanësinë që kërkon roli i një gjyqtari, Megi Strakosha u kthye në një zëdhënëse të prokurorit, duke e mbrojtur atë me ngulm dhe me tone agresive, ndërsa sulmonte avokatin që kërkonte drejtësi.
Por pas këtij emri që tani është bërë simbol i padrejtësisë, fshihet një histori edhe më e errët. Megi Strakosha është vajza e Vasillaq Strakoshës, një ish-funksionar i Bashkisë Himarë, i dënuar nga SPAK për korrupsion, falsifikim dhe tjetërsim të pronave shtetërore. Sipas dosjeve të hetimit, Vasillaq Strakosha ka qenë një nga personat kyç në skemat e shitjeve fiktive dhe tjetërsimeve të tokave publike në zonën e Himarës, të cilat u përvetësuan nga një grup oligarkësh të lidhur me pushtetin vendor dhe atë qendror.
Ai është akuzuar se ka përdorur dokumente të falsifikuara për të shitur prona të shtetit, duke krijuar një rrjet të mirëfilltë abuzimi dhe korrupsioni që dëmtoi rëndë interesat publike. Me paratë e përfituara nga këto afera kriminale, sipas burimeve, familja Strakosha ndërtoi pasuri të konsiderueshme dhe investoi në karrierën e vajzës, e cila sot mban togën e gjyqtares. Ironia është e hidhur: paratë e korrupsionit të babait janë bërë themeli i karrierës së bijës në drejtësi.
Emërimi i Megi Strakoshës në sistemin gjyqësor përbën një nga rastet më flagrante se si rrjetet e krimit, paratë e pista dhe nepotizmi po mbajnë peng reformën në drejtësi. Në vend që të përzgjidhen me integritet dhe profesionalizëm, gjyqtarët po ngjiten në poste përmes lidhjeve familjare, pazareve politike dhe influencës së oligarkëve.
Sot, Megi Strakosha gjykon në emër të Republikës së Shqipërisë, ndërkohë që babai i saj është dënuar për krime që kanë rrënuar vetë themelet e shtetit dhe të ligjit. Ajo mbron me fanatizëm prokurorët që shpëtojnë nga përgjegjësia, sulmon avokatët që guxojnë të flasin dhe e përdor sallën e gjyqit si mjet për të treguar pushtetin e trashëguar nga korrupsioni.
Ky rast është pasqyra më e pastër e një sistemi të kalbur, ku drejtësia është shndërruar në një teatër hipokrizie dhe imoraliteti. Ndërkohë që qytetarët e ndershëm presin drejtësi, në karriget e gjyqtarëve ulen bijtë dhe bijat e korrupsionit, të rritur me frymën e padrejtësisë dhe me luksin e pasurisë së grabitur nga pasuritë publike.
Në çdo vend normal, një gjyqtare me këtë lloj lidhjeje familjare do të ishte pezulluar menjëherë dhe nën hetim disiplinor. Por në Shqipëri, Megi Strakosha jo vetëm që nuk hetohet, por vazhdon të marrë vendime, të ngrejë zërin mbi avokatët dhe të mbrojë prokurorët si “bijë e sistemit” që e ka lindur nga krimi dhe korrupsioni.
Ky është rasti që tregon se drejtësia në vend nuk është e verbër, siç thonë simbolet, por shikon shumë mirë se kujt i shërben, pushtetit, parave dhe lidhjeve të baballarëve me dosje penale./Pamfleti
Po ku jan per gjykatëse kto injorante...
Kjo Megi Strakosha mos ka gjë disa kushërinj nga ana e nënës të arratisur në Amerikë,që janë kriminel lufte!?? Nuk ju ndarë Enverit o të mjerë,nuk ju ndarë biografive! Nëse ka gabuar kjo Megi të shporret nga Drejtësia,po çfarë lidhje ka babai!? Apo bëmë baba të të ngjaj... Po atëhere Edi dhe Belinda ç'punë kanë në politikë!?