FLASH
Shkruar nga Pamfleti
Gjykata e Tiranës ka vendosur masën ‘arrest me burg’ për Valter Bamin. 37-vjeçari u arrestua për armëmbajtje pa leje dhe është i dyshuar se është përfshirë në masakrën në Larushk, në atentatin ndaj biznesmenit Gentian Bejtja, ku mbeti i vrarë Ramazan Sino dhe u plagosën dy fëmijët e biznesmenit.
Në një komunikim për mediat avokati i Valter Bamit theksoi se janë të gjithë pamjet filmike dhe se sipas tij, Valter Bami kur ka ndodhur atentati ka qenë në banesën e tij, me nënën dhe fëmijët.
“Aty janë të gjithë pamjet filmike se ku ka qenë në kohën e ngjarjes, ka qenë me nënë. Por sot Prokuroria ndodhet në një pozicion të dobët profesional. Këto kërkojnë të pengojnë lëvizjen e lirë . Klienti im ka qenë i dënuar në 2018. Ligji ka disa kritere për të cilët mund të quhesh i rrezikshëm. Por gjykata vepron në mënyrë arbitrare nga opinioni dhe presioni. Klienti im shpjegoi që në orën që ka ndodhur ngjarja ka qenë në banesë me nënën dhe fëmijët. Lëvizjet e tij janë memorizuar të gjitha”, tha ai.
Valter Bami i përfshirë në masakrën e Larushkut?
Avokati: Shokohemi nga këto informacione, nuk i atribuohet akuza Valter Bamit, ai sillet për armëmbajtje pa leje se është gjetur një mikrogrimcë baruti.
Njohje mes Valter Bamit dhe Gentian Bejtjas?
Avokati: Nuk kam asnjë informacion
Lini një Përgjigje