FLASH
Shkruar nga Pamfleti
Gjatë ditës së sotme (15 korrik) Shqipëria do të jetë në ndikimin e kushteve atmosferike kryesisht të qëndrueshme.
Sipas Shërbimit Meteorologjik Ushtarak, moti parashikohet fillimisht i kthjellët në të gjithë territorin ndërsa prej orëve të mesditës deri ato të pasdites vonë në relievet kodrinore-malore do të ketë shtim gradual të vranësirave mesatare dhe hera-herës deri të dendura.
Vranësirat e dendura më të theksuara do të jenë në relievet malore në lindje.
SHMU parashikon se nga orët e mesditës deri ato të pasdites në relievet malore në lindje si dhe zonën e Alpeve do të ketë reshje shiu të herëpashershme dhe të dobëta. Gjithashtu në relievet e larta malore të territorit në mënyrë të izoluar dhe periudha tepër afatshkurtra reshjet do të jenë në formën e shtrëngatave.
Era do të fryjë me drejtim verilindje – veriperëndim me shpejtësi mesatare 8 m/s, ndërsa përgjatë vijës bregdetare e dhe zonavt luginore era fiton shpejtësi 10-17 m/s.
Deti parashikohet të ketë një valëzim 2-3 ballë.
Lini një Përgjigje