FLASH
Shkruar nga Pamfleti
Gjergj Buxhuku nga Konfindustria, duke marr shkas nga nisma e re e qeverisë për bulmetrat pa faturë tatimore, ngriti alarmin për barrën fiskale që rëndon mbi prodhimin vendas.
I ftuar në emisionin 'Debat' në A2 CNN, Buxhuku tha se produkti vendas direkt taksohet me 20% më shumë sesa ai që vjen nga importi.
“Në legjislacionin e sotëm fiskal në Shqipëri, produkti që prodhohet në Shqipëri direkt taksohet me 20% më shumë sesa ai që vjen nga importi. T’i do e fillosh punën nga vetja, të stabilizosh kuadrin e madh fiskal, financiar dhe ligjor në mënyrë që t’ja kërkosh më pas atij që ti vetë e ke shkelur”, u shpreh Buxhuku.
I pyetur mbi procesin e integrimit në Bashkimin Europian, Buxhuku theksoi se prioritet duhet të mbetet interesi i qytetarit shqiptar dhe jo vetëm plotësimi i kushteve formale të BE-së, ai tha se interesi i shqiptarëve është parësor.
“Nuk më intereson shumë se çfarë i bëjmë BE-së, më intereson se çfarë i bëjmë qytetarit shqiptar. Qytetari të marrë ushqim të sigurt, të shëndetshëm, pavarësisht faktit nëse ne do të jemi pjesë e BE-së apo jo. Në fund të fundit, anëtarësimi është mjet, jo qëllim. E realizon nëpërmjet BE-së, apo e realizon duke bërë marrëveshje me SHBA-në, apo e realizon vet, kjo më pas është taktikë”, tha Buxhuku
Lini një Përgjigje