FLASH
Shkruar nga Pamfleti
Analisti Lorenc Vangjeli tha se ish-kryeministri Sali Berisha është një nga 2 njerëzit më të trembur në Tiranë, duke iu referuar hetimeve që kanë nisur ndaj tij për ish-kompleksin Partizani.
“Sot doktori është njëri nga 2 njerëzit më të trembur në Tiranë. Tirana do vazhdojë të jetojë nën mallkimin e famshëm kinez “jetofshi në kohë interesante”, u shpreh Vangjeli.
Teksa komentoi Kongresin e PS që pritet të mbahet në dhjetor, Vangjeli tha se do të flitet për buxhetin dhe për Reformën në Drejtësi, të cilën në takimin që pati në Fier, Rama e cilësoi si vepër të ndërmarrë nga PS dhe jo nga SHBA e BE, që i konsideroi si mbështetës.
“Do të flitet për buxhetin, por hija e një pushteti tjetër gjithmonë e më hijerëndë në Tiranë, ai i drejtësisë u ndje edhe në takimin e parë në Fier. Për herë të parë kryeministri flet për autorësinë e Reformës. Nëse deri dje ati ishte BE dhe SHBA, këtë herë shkoi më tej dhe rrëfeu një tentativë më revolucionaret në vitin e largët 2007 kur në emër të PS, Edi Rama jo publikisht afroi konsensus të plotë për një pakt kombëtar për drejtësinë”, tha analisti.
Lini një Përgjigje