FLASH
Shkruar nga Pamfleti
Sipas mediave italiane, çdo emigrant që kapet dhe shpëtohet në det, do të sillet direkt në Lezhë...
Zbardhen të tjera detaje nga marrëveshja me Italinë për emigrantët. Kryeministri Rama dhe homologia e tij Meloni ranë dakord që vendi ynë të kthehet në një kamp për refugjatët që shkojnë në Itali, por ka shumë të fshehta.
Sipas “Tg Com”, do ketë dy qendra, në Shëngjin dhe në Gjadër. Në Gjadër të Lezhës do të ngrihet kampi i strehimit. Po ashtu media italiane jep detaje se pakti është arritur që në verë, kur dhe Meloni pushoi në Vlorë.
Shkrimi i “TG Com”
Italia do të jetë në gjendje të ndërtojë dy qendra të menaxhimit të emigrantëve në Shqipëri, të cilat, kur të jenë plotësisht funksionale, do të jenë në gjendje të menaxhojnë një "fluks vjetor prej 36 mijë" personash. Të dy objektet nuk do të strehojnë “të mitur, gra shtatzëna dhe persona vulnerabël”. Kështu bëri të ditur kryeministrja Giorgia Meloni, në një konferencë për shtyp me kryeministrin shqiptar Edi Rama në Palazzo Chigi.
Si do të funksionojnë dy qendrat?
Memorandumi i mirëkuptimit mes dy vendeve për menaxhimin e flukseve migratore nuk vlen për emigrantët që mbërrijnë në brigjet dhe territorin italian, por për ata të shpëtuar në Mesdhe nga anijet italiane, si ato të Marina dhe Gdf, jo ato të OJQ-ve. Në portin e Shëngjinit, Italia do të kujdeset për procedurat e zbarkimit dhe identifikimit dhe do të krijojë një qendër pritjeje dhe kontrolli të parë, ndërsa në Gjadër, në Shqipërinë perëndimore, do të krijojë një strukturë model CPR (qendër pritjeje apo strehimi) për procedurat e mëpasshme.
Objektivat për të luftuar trafikimin e qenieve njerëzore dhe për të mirëpritur ata që kanë të drejtë Objektivat e marrëveshjes, nënvizoi Meloni, janë "të kundërshtojë trafikimin e qenieve njerëzore, të parandalojë flukset e parregullta dhe të mirëpresë vetëm ata që kanë vërtet të drejtën e mbrojtjes ndërkombëtare". Në të dy qendrat “ajo në port do të kujdeset për procedurat e zbarkimit dhe identifikimit, ndërsa qendra që do të ndërtohet në zonën më të brendshme do të jetë një strukturë model CPR”.
Pakti gjatë vizitës së Melonit në Vlorë
Në gusht pati një vizitë të shpejtë nga Giorgia Meloni tek kryeministri shqiptar. Pikërisht me atë rast, thonë burime e "Tg Com" nga Palazzo Chigi, u mbyll në thelb protokolli për menaxhimin e flukseve migratore ndërmjet Romës dhe Tiranës. Marrëveshja u detajua gjatë takimit që të dy liderët kishin zhvilluar në atë kohë dhe që ishte cilësuar si një takim i thjeshtë. Në vend të kësaj, të njëjtat burime theksojnë se vizita e Melonit ishte "më shumë se pushim veror" dhe shpjegojnë se marrëveshja do të jetë funksionale deri në pranverën e vitit 2024. /Pamfleti
Lini një Përgjigje