FLASH
Shkruar nga Pamfleti
Presidenti Bajram Begaj ka dënuar dhunën e ushtruar ndaj gazetarit Gjergj Zefi.
Editori i 'Pamfletit' sulmua nga një grup kriminelësh pasditën e djeshme në Tiranë, sapo doli nga zyra e tij.
Përmes një postimi në “Facebook”, Begaj ka kërkuar nga organet ligjzbatuese që ta ndjekin me vëmendje dhe ta zbardhin sa më parë këtë ngjarje.
Presidenti e cilëson këtë ngjarje të papranueshme.
“Dënoj dhunën e ushtruar ndaj gazetarit Gjergj Zefi. Dhuna e çdo forme është e papranueshme. Inkurajoj organet ligjzbatuese që ta ndjekin me vëmendje dhe ta zbardhin sa më parë këtë ngjarje”, ka shkruar Begaj.
Persona ende të paidenfikuar kanë goditur me sende të forta administratorin dhe editorin e portalit online “Pamfleti.net” Gjergj Zefi. Ngjarja është shënuar pasditen e 3 tetorit 2023, në rrugën “Bardhok Biba” në Tiranë.
Gazetari është sulmuar sapo ka dalë nga zyra. Autorët ishin gjysmë të maskuar. Ndërkohë policia ka identifikuar pronarin e makinës së autorëve dhe bëhet fjalë për shtetasin Renato Bodurri nga Elbasani. Hetimet për ngjarjen vijojnë.
Lini një Përgjigje