FLASH
Shkruar nga Pamfleti
Andi Rraja, një nga të arrestuarit për dhunën ndaj kushërinjve Maja ka kërkuar masë më të lehtë sigurie në gjykatën e Apelit.
Shkak për dhunën ndaj Majave është bërë denoncimi në polici prej tyre për shpërthimet në gurore, në pronësi të Përparim Rrajës, vëllait të ish-deputetit socialist Rrahman Rrajës. Ata kanë deklaruar në komisariat se u janë dëmtuar banesat për shkak të këtyre shpërthimeve.
Pas denoncimit, një grup i madh burrash, shumica anëtarë të fisit Rraja, kanë dhunuar me shkopa bejsbolli, grushte e shkelma dy kushërinjtë Maja.
Ngjarja u zbardh pasi në media qarkulloi video e dhunës e filmuar nga vetë dhunuesit. Ata sapo zbresin nga 3 makina, futen në lokal dhe nisin e godasin me shkop bejzbolli dhe shkelma dy kushërinjtë. Madje, Xhelal Rraja, vëllai tjetër i ish-deputetit mban në dorë dhe një pistoletë. Për këtë ngjarje janë vënë në pranga 4 persona ndërsa të tjerët janë ende në kërkim.
Gjyqi ndaj Rrajave me 9 korrik pas ngjarjes
Organi i akuzës me 9 Korrik 2023 la në arrest me burg Ineidi Rrajën, Eni Kullajn dhe Andi Rrajën, të cilët u përfshinë në dhunën barbare ndaj 2 kushërinjve Jashar dhe Bilbil Maja
Kujtim Përadaku, pronari i lokalit ku ndodhi ngjarja i cili akuzohet për moskallëzim krimi u la nën masën “detyrim paraqitje”.
Sipas pretendimeve të tyre, 2 prej personave të ndaluar, konkretisht Eni Kullaj dhe Kujtim Përdaku, kanë mohuar kategorikisht që të kenë ushtruar aktet e dhunës.
Ata kanë pranuar që të kenë qenë në lokal me anëtarët e grupit Rraja, por kanë mohuar që të kenë lidhje me ushtrimin e dhunës, pasi sipas tyre, ata nuk janë shfaqur duke ushtruar dhunë ndaj 2 kushërinjve Maja.
Ende nuk ka një informacion të saktë se çfarë kanë pretenduar Ineidi Rraja dhe Andi Rraja, familjarë të ish-deputetit të PS-së, Rrahman Rraja. Ky i fundit pas publikimit të pamjeve filmike dhe nisjen e hetimeve të personave të tij të afërt për dhunë barabare ndaj 2 kushërinjve Maja, ka dhënë dorëheqjen nga mandati i deputetit ditën e djeshme.
Lini një Përgjigje