FLASH
Shkruar nga PamfletiMashtrimi me rrjetin e hoteleve 'AMAN' dhe manipulimi i opinionit publik...
Në prapaskenat e politikës dhe biznesit ndërkombëtar, një skemë e errët u zhvillua mes Edi Ramës dhe Jared Kushner, dhëndrit të Donald Trump. Sipas burimeve të sigurta, lidhja kryesore mes tyre ishte Sam Nazarian, bashkëshorti i modeles shqiptare Emina Çunmulaj dhe një njeri shumë i afërt me Fondin Arab të Jared Kushner.
Kur Ramës iu propozua ideja që Jared Kushner të bëhej investitor në Shqipëri, ai reagoi menjëherë. Pasi mori garanci se një marrëveshje e tillë do t’i ofronte akses të drejtpërdrejtë te Donald Trump, Rama nuk u mendua dy herë. Ai detyroi ndërmjetësit të përshpejtonin projektin dhe të deklaronin se “ky investim është i përfunduar dhe se toka do t’i jepej investitorëve pa asnjë kosto, ndërsa shteti shqiptar do të bëhej aksioner.”
Ky nuk ishte një investim i zakonshëm. Ishulli strategjik i Sazanit, dikur bazë ushtarake e mbrojtur nga shteti shqiptar, u vendos në dispozicion për të qenë pjesë e marrëveshjes që do të rritej si një superresort luksoz. Plani ishte i qartë: Rama përdorte këtë projekt për të ndërtuar një aleancë të fortë me rrethin e Trump dhe për të përfituar politikisht.
Ivanka Trump, vizitat sekrete dhe luks i garantuar nga shteti shqiptar
Burime të besueshme tregojnë se Ivanka Trump ka udhëtuar shpesh në Shqipëri, duke eksploruar bregdetin shqiptar me jahte dhe avionë privatë. Për të dhe ekipin e saj, Rama vuri në dispozicion flotën luksoze të shtetit shqiptar. Ajo inspektoi Sazanin dhe çdo ishull tjetër shqiptar që mund të ishte pjesë e këtij plani.
Por Rama luajti një lojë të dyfishtë. Me përllogaritjet e tij politike, ai mendonte se Kamala Harris do të fitonte zgjedhjet e ardhshme presidenciale në SHBA, ndaj vonoi finalizimin e marrëveshjes me Kushner. Kjo lëvizje e dështuar i kushtoi shtrenjtë: Donald Trump e kuptoi hilen dhe e anuloi çdo angazhim me Ramën, duke e lënë projektin pezull dhe pa investitorët e premtuar.
Mashtrimi me rrjetin 'AMAN' dhe manipulimi i opinionit publik
Pasi plani me Kushner dështoi, Rama kërkoi një tjetër mënyrë për të shpëtuar nga situata. Ai deklaroi publikisht se rrjeti i njohur i hoteleve luksoze AMAN, i menaxhuar nga fondi arab, do të ishte pjesë e projektit të Sazanit.
Por e vërteta është ndryshe: nuk ekziston asnjë marrëveshje mes AMAN dhe qeverisë shqiptare. Përfaqësues të AMAN kanë deklaruar hapur se nuk janë pjesë e asnjë investimi në Shqipëri. Kjo lëvizje tregoi edhe një herë se Rama e përdor markat e mëdha të luksit vetëm për PR personal dhe për të mashtruar publikun.
Skema e biznesmenëve të Ramës me Sam Nazarian
Në prapavijë të gjithë kësaj historie, biznesmenët e afërt të Ramës kanë blerë dhe shitur prona përmes Sam Nazarian, duke përdorur lidhjet e tij me rrjetin e biznesit në Lindjen e Mesme dhe SHBA. Kjo është një tjetër dëshmi e lidhjeve të errëta që Rama përdor për të krijuar fasada investimesh, të cilat në realitet janë mashtrime për të mbuluar pazaret e tij politike dhe financiare.
Sazani, një tjetër skemë mashtrimi e Ramës
Ajo që nisi si një marrëveshje për të garantuar ndikim në rrethin e Trump, përfundoi si një tjetër pazar i prishur për Ramën. Tani që Trump është tërhequr nga çdo angazhim me Shqipërinë, Rama është detyruar të manipulojë opinionin publik duke shitur ëndrrën e një “superinvestimi” që nuk ekziston. Sazani, një nga pikat më strategjike të vendit, është bërë lodër në duart e një kryeministri që mendon vetëm për përfitime personale dhe për PR-in e tij.
Për të fshehur këtë dështim, Rama do të përpiqet të ndryshojë narrativën, por faktet janë të qarta: Sazani ishte monedhë këmbimi në pazarin e tij politik me Trump, por si gjithmonë, dështoi. /Pamfleti
Lini një Përgjigje