FLASH
Shkruar nga Pamfleti
Avokati Spartak Ngjela tha se mbrojtja që ish-kryeministri Sali Berisha po i bën vetes ndaj akuzave të SPAK për çështjen e privatizimit të kompleksit Partizani, është e dobët.
Sipas tij, Berisha duhet të paraqitet në gjykatë dhe të japë mendimin e vetë.
“Gabim ka bërë që nuk paraqitet në Gjykatë, e ka në disfavor. I pafajshmi të shkul dhëmbët, të tund kokën dhe të godet në një proces pa prova. Gjyqi të pafajshmin e bën figurë botërore, të fajshmin e varros. Një ish-kryeministër që është i pafajshëm s’do e kishte këtu gjithë shtypin botëror. Gjykata ka prova, nëse ia rrëzon provat është figurë e madhe. Mbrojtja publike që i bën vetes është e dobët sepse nuk shkon të japë mendimin e vetë për provat”, tha Ngjela për “Panorama Tv”.
Ngjela tha gjithashtu se ish-kryeministri Berisha nuk mund të arrestohet pasi është në moshë të thyer. Avokati shton se SPAK-u e ka në dorë luftën anti-korrupsion dhe do ta eleminojnë.
“Po të jesh në opozitë, bën krime dhe ikën në burg. E dini sa kryeministra që kanë qenë kryetarë partish dhe kanë përfunduar në burg. Procesi penal në politikë është si gripi. Shikoni perëndimin. Vend perëndimor do të thotë sa më shumë akuza. SPAK-u e ka në dorë luftën anti-korrupsion. Amerika ka treguar se SPAK-un e drejtojmë ne. Ata do të eliminojnë korrupsionin. Ku i gjetën këta pallate, fshatarët që i kanë lindur jua kanë dhënë”, u shpreh Ngjela.
Lini një Përgjigje