FLASH
Shkruar nga Pamfleti
Do ta lajë 5 herë në javë, ose çdo ditë zyrtare të punës gjatë muajve korrik- dhjetor 2023, ndërsa në fundjavë, ajo shkon te një nga vilat apo suitat saj në Vlorë, Dhërmi, Sarandë, Durrës dhe e pastron atje...
Pasi ka harxhuar mbi 20 milionë Euro tenderë dhe financime direkte, dhënë OJF-ve për mjedisin e për të bërë reklama propagandistike, lidhur me numrin turistëve të ardhur në Shqipëri, ministresha Mirela Kumbaro, ka vendosur të mbajë higjienë të përditshme në makinën e saj zyrtare.
Ajo e ka filluar këtë javë, me shpalljen e një tenderi me objekt: “Për shërbim emergjent” me afat zhvillimi brenda 24 orësh, ose më saktë, i njoftuar më 26 qershor e mbyllur më 27 qershor 2023.
Ky njoftim na gëzoi, mbasi menduam se bëhet fjalë, për pastrimin e parcelave të plazheve publike nga ujërat zeza e mbetjet, dhe nga kafshët që i kanë në kthyer sipërfaqet e rërës në stalla verore.
Por realisht, “emergjenca” e këtij tenderi qenka larja e makinës së ministres, ku thuhet se në datën 1 korrik, duhet të fillojë larja makinës tip “Volvo XO” me targë “AA678VF”, që sipas regjistrit të Ministrisë së Turizmit e Mjedisit, është makina e parë zyrtare e titullarit.
Në specifikimet e tenderit, thuhet se makina e Mirela Kumbaros, duhet të lahet 5 herë në javë, ose çdo ditë zyrtare të punës gjatë muajve korrik- dhjetor 2023, që në total janë 120 larje, ndërsa ditën shtunë e të diel ajo është te një nga suitat apo vilat e saj në Vlorë, Dhërmi, Sarandë e Durrës dhe e pastron atje.
Në tender, është vendosur dhe larja 1 herë në javë e 3 makinave të zv/ministreve e Sekretares së Përgjithshme, ndërsa për 3 makinat e drejtorëve të sektorëve, ministresha ka urdhëruar t’u paguhet nga 1 larje në 15 ditë./Pamfleti
Lini një Përgjigje