FLASH
Shkruar nga Pamfleti
Një pacient i cili vuante nga probleme të shëndetit mendor dhe trajtohej në shërbimin e psikiatrisë në QSUT është larguar duke përdorur dhunë ndaj mjekëve, nga ambientet e spitalit.
Mediat bëjnë me dije se shtetasi M. S. paraditen e kësaj të diele, pasi ka shtyrë mjekët e i ka dhunuar, ka hapur derën me forcë dhe është larguar pa u pikasur nga roja i spitalit. Pacienti ka marrë me vete edhe drynin me të cilin ishte mbyllur dera.
Menjëherë pas denoncimit të rastit, policia është vënë në ndjekje të tij.
Por ky nuk është rasti i vetëm kur një mjek dhunohet gjatë ofrimit të shërbimit shëndetësor në spitalet e Qendrës Spitalore Universitare. Rastet e dhunës në shërbimin e psikiatrisë janë të shpeshta për shkak dhe të specifikës së diagnozës që paraqet çdo pacient që shkon për të marrë kujdes shëndetësor në këtë shërbim.
Lini një Përgjigje