FLASH
Shkruar nga PamfletiAta ndjeheshin si “pronarët” e një kontrate miliona dollarëshe, ishin të paskrupullt dhe kanë demonstruar “zotësi kriminale”, raporton media italiane duke cituar gjytarin hetuesi Luigi Iannelli.
Arkitekti milanez, Stefano Boeri, i njohur edhe si një mik i afër i kryeministrit Edi Rama dhe thuajse fitues i të gjitha projekteve në Tiranë, duket së është sërish në telashe nga drejtësia.
Prokuroria Publike e Milanos ka mbyllur hetimet paraprake për një tender publik të shpallur nga Bashkia e Milanos në lidhje me konkursin ndërkombëtar të projektimit për ndërtimin e Bibliotekës Evropiane të Informacionit dhe Kulturës, shkruan La Repubblica.
Njoftimi për përfundimin e hetimeve paraprake iu njoftua gjashtë të pandehurve, përfshirë edhe arkitektin e famshëm Stefano Boeri, miku i kryeministrit Edi Rama që është ‘koka’ e betonizimit të Tiranës nga Prokuroria Publike e Milanos, që i akuzon për shkelje dhe manipulime së lirisë së ankandeve dhe deklarimeve të rreme.
Stefano Boeri dhe arkitekti tjetër Cino Zucchi, sipas prokurorëve të Milanos nuk deklaruan konfliktet e interesit që ekzistonin midis tyre dhe kandidatëve që fituan konkursin për ndërtimin e Bibliotekës Evropiane, për të cilin ata ishin përkatësisht presidentë dhe anëtarë të komisionit të gjykimit.
Tre të dyshuarit e tjerë janë Angelo Raffaele Lunati, Giancarlo Floridi dhe Andrea Caputo.
Biblioteka Evropiane e Informacionit dhe Kulturës është një vepër me vlerë mbi 100 milionë që do të ndërtohet me paratë e PNRR-së. Por ankesat kundër dy arkitektëve kanë të bëjnë me sjelljen e tyre si anëtarë të jurisë në tenderin prej 9 milionë eurosh për dhënien e projektit për punën.
Më 18 shkurt të vitit të kaluar, gjykatësi hetues hodhi poshtë arrestin shtëpiak të kërkuar nga zyra e prokurorit të Milanos , por dy arkitektët e famshëm nuk do të jenë në gjendje të jenë pjesë e komisioneve të gjykimit në konkurset publike.
Hetimi ka zbuluar një marrëveshje "midis pjesëmarrësve në tenderin Lunati Angelo Raffaele, Floridi Giancarlo (Onsitestudio) dhe komisionerëve Zucchi dhe Boeri, të cilat ndodhën për shkak të ndërhyrjes së Pier Paolo Tamburelli (partneri i Studio Baukhu ), profesionist i përfshirë personalisht në hartimin e projektit fitues të tenderit dhe me të cilin Lunati dhe Floridi mbajtën kontakte gjatë procedurës”. Këtë e kanë shkruar prokurorët e Milanos në akuzat për kërkesën për arrest shtëpie për dy arkitektët.
Duke shkelur anonimitetin e parashikuar nga tenderi i shpallur nga Bashkia e Milanos, “Tamburelli ra në kontakt të përsëritur me komisionerët Zucchi dhe Boeri gjatë procesit të vlerësimit të projekteve konkurruese në vitin 2022 dhe në fazat që paraprijnë menjëherë zgjedhjen e konkurrentit fitues, në mënyrë që Komisionerët të mund të identifikonin, përmirësonin dhe mbështesin projektin e paraqitur nga grupimi Onsitestudio-Baukuh-Sce + të tjerët për qëllime të dhënies së tenderit, siç ka ndodhur në të vërtetë".
Gjithashtu në dokumente janë, ndër të tjera mesazhe në "Whatsapp” dhe Telegram, midis 6 dhe 8 korrikut 2022, të fshira më pas nga Boeri dhe që kishin si subjekt rezultatin e garës. Një marrje në pyetje paraprake është caktuar për 4 shkurt. /Pamfleti
Lini një Përgjigje