FLASH
Shkruar nga Pamfleti
Sipas informacionit që disponon “Pamfleti”, kjo ish-ministre e katapultuar prej mafies nga bankat offshore të Salvadorit, Bolivisë, Ekuadorit e Mozambikut, këto ditë do thirret në SPAK për batërdinë që ka bërë në financat shqiptare me buxhetin, me evazionin fiskal, pasuritë e konfiskuara e pasuritë shtetërore, PPP-të, tenderët dhe aferat me borxhet e huaja...
Ish-ministrja e Financave, Anila Denaj, ka menduar se zullumet që ka bërë në vitet 2019-2021, do kalbeshin në pirgjet me dosje të “arkivës së vdekur” në Linzë, por ato janë në ministri, në institucionet e vartësisë e agjenci bashkëvepruese.
Një nga bëmat e shumta të ish- ministres Anila Denaj, është falsifikimi i dosjes së detyrimeve të “Bankers”, duke i konfirmuar sikur ka shlyer të gjitha taksat, tarifat, rentën minerare, akcizën, tatimin mbi të ardhurat e fitimin, taksat import-eksport, të mjedisit dhe tatimin mbi pagat.
Dihet, që kompania mafioze “Bankers” e cila kalon dorë më dorë nga rusët me maskë kanadeze e te kinezët, prej 18 vitesh po grabit e eksporton naftën shqiptare dhe nuk paguan asnjë detyrim.
Por “Bankers” krekoset dhe pretendon se i ka shlyer krejt detyrimet ndaj shtetit e madje ka dhënë edhe donacione ndaj banorëve, duke paraqitur dokumente të lëshuara nga Ministria e Financa-Ekonomisë me siglimin e ish-ministres Anila Denaj në vitet 2019-2021, duke ia bërë zero detyrimet financiare edhe me veprim prapaveprues në vlerën 2 miliardë USD.
Ky falsifikim me përmbajtje krim financiar shtetëror duke falsifikuar regjistrin tatimor me fuqinë e ministres, është konstatuar nga një kontroll i brendshëm në ministri, ushtruar pas ankesës së drejtorisë së tatim-paguesve të mëdhenj, për mos-pagim detyrimesh nga “Bankers”.
Sipas informacionit që ka “Pamfleti”, nga kontrolli ka rezultuar se ish-ministrja Anila Denaj, i ka dhënë “Bankers”, këtë raport fals për gjoja pagim detyrimesh:
- Taksa Renta Minerare: 350 milionë USD.
- Taksa e tarifa grup, paguar shtetit e subjekteve të tjera publike: 770 milionë USD.
- Taksa të tjera qendrore e lokale: 183 milionë USD.
- Taksa totale të paguara: 890 milionë USD.
- Rentë minerare e paguar: 744 milionë USD.
- Taksa vendore të paguara: 40 milionë USD.
- Akcizë e paguar: 98 milionë USD.
- Sigurime shoqërore të paguara: 35 milionë USD.
- Pagesa për sigurinë e Mjedisit: 33 milionë USD.
Ka edhe deklarime të tjera false, që janë aq mashtrime sa nuk përputhen me realitetin e as me bilancet false dorëzon “Bankers”, të cilat ia harton bashkëshortja e eksperte e Sekretarit të Përgjithshëm të Prokurorisë së Përgjithshme, Luan Abazi.
Por ekipi i kontrollit të Ministrisë së Financave, ka konstatuar se të dhënat false, që ish-ministrja Anila Denaj ka regjistruar si reale në favor të “Bankers”, janë sikur kjo kompani del me 12-15 milionë USD humbje dhe sikur i ka paguar 2 miliardë USD detyrime shtetit shqiptar.
Sipas informacionit që disponon “Pamfleti”, kjo ish-ministre e katapultuar prej mafies nga bankat ofshore të Salvadorit, Bolivisë, Ekuadorit e Mozambikut, këto ditë do thirret në SPAK për batërdinë që ka bërë në financat shqiptare./Pamfleti
Lini një Përgjigje