FLASH
Shkruar nga Pamfleti
Meterologu Hakil Osmani ka folur në lidhje me situatën e motit në vendin tonë teksa thotë se stuhia “Cirian” që përfshiu vendin është në degradim të plotë të saj.
Osmani u shpreh se reshjet e shiut do të vazhdojnë në sasi të pakta
“Në fakt, për fat të mirë kemi përmirësim të kushteve të motit, kemi pasur reshje në pjesë të mirë të territorit, duke përfshirë zonat jugore, zonat qendrore, por në zonat veriore kemi reshje herë pas herë, por në sasira të pakta. Pjesa e dytë e ditës, presim që të zhvillohen vranësira duke bërë që t’i kemi sërish prezente reshjet e shiut në vendin tonë, por do të jenë në sasira shumë më të pakta se ato të cilat ne kemi përjetuar deri tani. Presim përmirësim të kushteve të motit në fillim të javës, duke bërë që të kemi ndërprerje të reshjeve në një pjesë të mirë të territorit shqiptar.
Do doja të shtoja parametrin e erës. Ditën e sotme, pritet të jetë problematik, pasi herë pas herë do të shkojë në det të hapur edhe mbi 60-70 km/h, herë pas herë era do të bëhet e fortë edhe në tokë. Stuhia “Cirian” është në degradim të saj, të plotë, pasi celula që do të prekë territorin shqiptar në orët e pasdites dhe mbrëmjes, pritet të sjellë reshje të cilat do të jenë në sasira të pakta”, theksoi ai.
Lini një Përgjigje