FLASH
Shkruar nga Pamfleti
Zhoze Murinjo do të marrë drejtimin e skuadrës turke, Fenerbahçe. Lajmi është bërë i ditur nga eksperti i merkatos, Fabricio Romano.
Ai shkruan se palët kanë arritur akordin dhe mund të nënshkruhet një kontratë 2-vjeçare. Marrëveshja mund të përfshijë gjithashtu një opsion deri në vitin 2027.
Sipas “Calcio Mercato”, në kontratën e tij është shtuar një klauzolë ku ai do të jetë i lirë të largohet nëse kombëtarja e Portugalisë do ta kërkojë “Special One”.
Prandaj, klubi turk nuk do të jetë në gjendje ta pengojë dhe ai do të lirohet efektivisht nga kontrata e tij.
Murinjo nuk ka drejtuar kurrë një ekip kombëtar në karrierën e tij. Ai ka pasur shumë oferta ndër vite, përfshirë nga Anglia dhe Portugalia.
Portugalia thuhet se u interesua për të gjatë kohës së tij te Reali i Madridit, dhe më pas kur ai ishte trajner i Romës, por e refuzoi.
View this post on Instagram
Lini një Përgjigje