FLASH
Shkruar nga Pamfleti
Abissnet Superiore ka ngritur siparin e javës së 6 me ndeshjen Erzeni-Skënderbeu. Korçarët janë rikthyer te fitorja dhe kanë zbritur me këmbë në tokë shijakasit pas fitores së këtyre të fundit me Tiranën.
“Ujqërit e dëborës” kanë triumfuar në transfertë me rezultatin 1-2. Miqtë zhbllokuan sfidën në minutën e 22. Liço nuk gaboi nga pika e bardhë e penalltisë.
Në minutën e 70, ekipi i drejtuar nga Gvozdenoviç realizoi edhe golin e sigurisë. Pas goditjes nga këndi, Shaqe gjuajti me kokë dhe dyfishoi shifrat, duke i dhënë 3 pikët e arta ekipit të tij.
Në minutën e 90+5, Erzeni shkurtoi diferencën. Kahrimanoviç u tregua i saktë nga pika e bardhë e penalltisë, por goli i tij vlejti vetëm për statistikë.
Me këtë fitore, Skënderbeu ngjitet përkohësisht në vendin e 3 me 9 pikë, ndërsa Erzeni mban vendin e 4 me 8 pikë.
Lini një Përgjigje