FLASH
Shkruar nga Pamfleti
Një punonjëse e stafit në restorantin luksoz të Parisit, ku pretendohet se i ishte mohuar aksesi legjendës së tenisit, Serena Uilliams, tha se një nga kolegët e saj nuk e “njihte” atë.
Uilliams krijoi një stuhi polemikash kur shkroi në X se nuk kishte mundur të hynte në restorantin e Peninsula në Paris.
“Më është mohuar qasja për të ngrënë në një restorant bosh me vende më të bukura, por kurrë me fëmijët e mi”, shkroi Uilliams në X.
Maksim Manevi, një punëtore në restorantin Peninsula, i tha “Variety” se Uilliams ishte me një grua tjetër dhe një karrocë fëmijësh dhe dukej “e panjohur”. Manevi tha se ajo nuk ishte duke punuar kur tenistja e madhe erdhi në restorant.
“Kur ajo erdhi, kishte vetëm dy tavolina në dispozicion, dhe ato ishin të rezervuara nga klientët e hotelit”, tha Manevi për median.
“Kolegja ime nuk e njohu atë dhe ndihet e tmerruar, por ai i tha asaj çfarë do t’i thoshte çdo klienti tjetër, që të priste në katin e poshtëm në lokal, derisa t’i vihej në dispozicion një tavolinë. Këtu nuk ishte absolutisht asgjë personale”, tha ajo.
Gjithashtu restoranti iu përgjigj kritikës së Uilliams në X.
“Ju lutemi pranoni ndjesën tonë më të thellë për zhgënjimin që hasët sonte,” shkroi hoteli në X.
“Për fat të keq, bari ynë ishte me të vërtetë i rezervuar plotësisht dhe të vetmet tavolina bosh që patë i përkisnin restorantit tonë gustator, L’Oiseau Blanc, dhe ishin të rezervuara.
Ne kemi qenë gjithmonë të nderuar t’ju mirëpresim dhe do të jemi gjithmonë t’ju mirëpresim përsëri”, thuhet në reagim.
Lini një Përgjigje