
Roma nuk ndryshon marsh në kampionat, duke marrë fitoren e 3 radhazi. Një triumf i pastër 1-4 ndaj Monzës, në stadiumin Brianteo . Pas disa pasimesh të bukura nga brenda zonës, e majta e Pelegrinit gjeti të papërgatitur portierin vendas, Di Gregorio. Brenda pjesës së parë, Lukaku realizoi të dytin për skuadrën e De Rosit, duke futur kështu praktikisht në kasafortë 3 pikët.
Në pjesën e dytë pati spektakël argjentinas, pasi Dibala dhe Paredes vendosën me “shpatulla pas muri” kundërshtarin. Asgjë për të thënë për Monzën në këtë takim, përveç një goli të nderit nga Karboni, 3 minuta para fundit të kohës së rregullt.
Roma renditet në vendin e 5 me 47 pikë, ndërsa Monza mban mesin e tabelës.
Lini një Përgjigje