FLASH
Shkruar nga Pamfleti
Piloti spanjoll i Ferrarit, karlos Sainz, siguroi sot pasdite “pole position” në pistën e Monza, të vlefshëm për garën e Çmimit të Madh të Italisë në Formula 1. Ai dha kohën 1’20”294, duke mposhtur me vetëm 13 të mijëtat Maks Vershtapen (Red Bull), i cili u rendit në vendin e dytë.
Ky është “pole” i katërt në karrierë për Sainz, që përgjatë gjithë këtyre dy ditëve tregoi se ishte i shpejtë, ashtu sikurse edhe Ferrari. Në vendin e tretë u rendit monogasku Sharls Lëklerk me “kokëkuqen” tjetër, me vetëm 67 të mijëtat më shumë se shoku i tij i skuadrës.
Carlos Sainz's first pole in 2023 ????
— Formula 1 (@F1) September 2, 2023
And what a pole to remember!!!!!!!!! ????????#ItalianGP #F1 @CarlosSainz55 @ScuderiaFerrari pic.twitter.com/WG2gXByED4
Gjithsesi, të dyja makinat italiane janë nën hetim, për shkak se zhvilluan xhiron e daljes nga pista mbi kohën limit 1’41” në sesionin e parë të provave zyrtare. Vendimi do të merret më vonë.
Në vendin e katërt u rendit Xhorxh Rasëll me Mercedes, që la pas Serxhio Perez me Red Bull e Aleksandër Albon me Uilliams. Në dhjetë më të mirët u klasifikuan edhe Piastri (MekLaren), Hamilton (Mercedes), Norris (MekLaren) dhe Alonso (Aston Martin). Të dielën do të zhvillohet gara e Italisë.
Lini një Përgjigje