FLASH
Shkruar nga Pamfleti
Odise Roshi po kalon një moment mjaft të mirë me fanelën e Keçiorengyçy, duke u bërë protagonist me golat e tij në ndeshjet e kësaj skuadre.
Pasi shënoi në fundjavë në kampionatin e kategorisë së dytë turke, Roshi gjeti edhe sot rrjetën, këtë herë në Kupën e Turqisë ku skuadra e tij përballej me Kaizerisporin. Ndeshja shkoi me kohë shtesë pasi koha e rregullt përfundoi 0-0. Pikërisht në shtesën e dytë, kur regjistrohej minuta e 117, Roshi shënoi golin që vulosi kualifikimin.
Ai mori topin në zonë dhe me një kthesë të shpejtë e dërgoi në rrjetë, duke dyfishuar avantazhin që skuadra e tij kishte gjetur vetëm pak minuta më parë e duke i vënë vulën fitores 2-0.
Vlen të theksohet se ky është goli i katërt sezonal për sulmuesin fierak. Gjithashtu, 34-vjeçari është bërë protagonist edhe me 2 asiste.
Lini një Përgjigje