FLASH
Shkruar nga Pamfleti
Afrimi i Jasir Asanit te Kombëtarja po rezulton një goditje e madhe nga trajneri Silvinjo. Me supergolat e shënuar, sulmuesi nga Shkupi po i jep një shtytje të fuqishme Shqipërisë drejt sigurimit të biletës për finalet e Europianit “Gjermani 20024”.
Ish-lojtari i Partizanit e tregoi klasin e tij edhe ndaj Çekisë, ku shënoi një gol të bukur që në minutën e nëntë, duke i hapur rrugën një fitoreje me peshë. Në fund të ndeshjes, Asani në vend që të ndërronte fanelën me ndonjë lojtar kundërshtar, ritualin e kryen me një personazh të veçantë. Pamjet kanë treguar që Asani është afruar te një nga tribunat e stadiumit, ku qendronte tifozi special, Ballist (Ismail) Morina. E veçanta është se të dy personazhet i ndërruan bluzat me njëri-tjetrin.
Në pamje të parë duket si një shkëmbim fanelash midis protagonistësh të kualifikuesve të Shqipërisë në Europian. Ballist Morina ishte personazhi më i përfolur kur kuqezinjtë arritën kualifikimin e parë në “EURO 2016”, ndërsa tani, ndonëse nuk është arritur zyrtarisht, Asani është një nga katalizatorët e suksesit drejt sigurimit të biletës për finalet e “EURO 2024” në Gjermani.
@dashi_officiel007 #dashi_official007 #meluizin #luizejlli #albania #fyp #viral #fy ♬ Originalton - dashi_officiel007
Lini një Përgjigje