FLASH
Shkruar nga Pamfleti
Mesfushori qendror Etnik Brruti pritet të ndryshojë skuadër gjatë merkatos së verës, teksa raportimet e fundit e lidhin atë me një transferim në Kroaci. Sipas burimit “AlbanianScot”, 22-vjeçari ka vendosur të largohet nga Malisheva në fund të sezonit, kur edhe i përfundon kontrata, për t’iu bashkuar ekipit të Rijekës.
Brruti, i cili aktivizohet në Superligën e Kosovës me Malishevën, ka qenë një nga elementët më të spikatur të skuadrës, pavarësisht rezultateve jo gjithmonë të qëndrueshme të ekipit. Paraqitjet e tij në mesfushë kanë tërhequr vëmendje, duke rritur edhe interesin për shërbimet e tij.
Në nivel ndërkombëtar, lojtari ka marrë një vendim të rëndësishëm në maj të vitit 2025, duke kaluar nga përfaqësueset e moshave të Kosovës tek ato të Shqipërisë. Me Kombëtaren U-21 të Shqipërisë, ai ka regjistruar 2 gola në 8 ndeshje, një statistikë pozitive për një mesfushor me profil më shumë organizues.
Sipas të dhënave nga “Transfermarkt”, vlera aktuale e kartonit të Brrutit arrin në rreth 550 mijë euro. Nëse transferimi te Rijeka konfirmohet, largimi i tij do të përbënte një humbje të ndjeshme për Malishevën, ndërsa për vetë lojtarin do të ishte një hap i rëndësishëm në zhvillimin e karrierës.
Megjithatë, deri në zyrtarizimin e marrëveshjes, mbetet për t’u parë nëse raportimet do të konkretizohen në një transferim të firmosur.
???? EKSLUZIVE: Etnik Brruti do largohet nga Malisheva në verë dhe do transferohet falas te Rijeka pic.twitter.com/BkR43misVg
— AlbanianScout (@albanianscout) April 14, 2026
Lini një Përgjigje