FLASH
Shkruar nga Pamfleti
Mauricio Poçetino është trajneri i ri i kombëtares së SHBA në futboll për meshkuj. Federata e këtij vendi ka zyrtarizuar ardhjen në stol të trajnerit argjentinas, i freskët nga dështimi në krye të Çelsit.
Për Poçetinon, objektivi do të jetë të dalë sa më mirë në Botërorin 2026, që do të zhvillohet mes Kanadasë, Meksikës dhe SHBA-së.
“Federata e Futbollit të SHBA-së ka emëruar Mauricio Poçetinon si trajnerin e ri të ekipit kombëtar të meshkujve, – thuhet në deklaratën përkatëse. – Poçetino, 52 vjeç, një trajner me përvojë dhe shumë i respektuar, ka pasur eksperienca të suksesshme me disa klube të mëdha europiane, duke përfshirë Totenhemin, PSG dhe Çelsin.
I njohur për ndërtimin e skuadrave me stile dinamike të lojës, ai tani do të marrë drejtimin e kombëtares së SHBA-së, duke sjellë përvojën e madhe dhe zgjuarsinë taktike. Trajneri i ri do ta udhëheqë ekipin tonë kombëtar në Kupën e Botës 2026, në tokën vendase”.
Vetë Poçetinp do të shprehej: “Vendimi për të trajnuar SHBA-në nuk ka të bëjë vetëm me futbollin, por edhe me rrugën që po ndjek kjo skuadër dhe ky vend.
Energjia, pasioni, dëshira për të realizuar diçka historike, këto janë gjërat që më frymëzuan. Mundësia për të udhëhequr ekipin kombëtar të meshkujve të SHBA-së, para tifozëve aq të pasionuar sa lojtarët, është diçka që nuk mund të refuzohej kurrë. Më ka munguar një grup plot talent dhe potencial, së bashku do të ndërtojmë diçka të veçantë, për të cilën mund të krenohet i gjithë kombi”.
Lini një Përgjigje