
Përfundon pjesa e parë e ndeshjes së raundit të tretë të Ligës së Konferencës. Partizani është mposhtur nga Valmiera në transfertë me rezultatin 1-0.
Letonezët ndëshkuan të kuqtë në minutën e 27 të takimit. Gustavo Silva lëshoi një predhë nga distanca duke gjetur të papërgatitur edhe portierin Qirko.
Në minutën e 12, vendasit patën rastin e artë për të kaluar në avantazh, por devijimi i Koçijan rezultoi vendimtar.
Në minutën e 22, Partizani ishte pranë golit, por goditja e Rrapaj u ndal nga portieri kundërshtar.
Në pjesën e dytë kampionët e Shqipërisë do të kërkojnë të përmbysin rezultatin për të mbajtur gjallë ëndrrën për t’u kualifikuar në play off-in e Ligës së Konferencës.
Lini një Përgjigje