FLASH
Shkruar nga Pamfleti
Një tjetër futbollist me mbiemrin Rrahmani do të jetë pjesë e kampionatit italian. Bëhet fjalë për Albion Rrahmanin, i cili është transferuar nga Sparta e Pragës te Venecia, skuadër që këtë sezon rikthehet në elitën e futbollit italian.
Klubi venecian ka zyrtarizuar afrimin e qendërsulmuesit të përfaqësueses së Kosovës, duke e konsideruar atë një nga përforcimet më të rëndësishme të merkatos verore. Rrahmani, i cili në muajin gusht mbush 26 vjeç, ka firmosur një kontratë që do ta mbajë te Venecia deri në vitin 2029.
Transferimi i tij përbën një nga investimet më të mëdha në historinë e klubit. Sipas marrëveshjes, Venecia ka paguar rreth 9.5 milionë euro për kartonin e sulmuesit kosovar.
Rrahmani largohet nga Sparta e Pragës pas dy sezonesh të suksesshme. Me klubin çek ai zhvilloi 83 ndeshje në të gjitha kompeticionet, duke realizuar 26 gola dhe dhënë 6 asistime. Sulmuesi u dallua gjithashtu me paraqitjet e tij në garat evropiane.
Që prej vitit 2023, Albion Rrahmani është pjesë e përfaqësueses së Kosovës. Deri më tani ai ka regjistruar 25 ndeshje me fanellën dardane, ku ka shënuar 7 gola.
View this post on Instagram
Lini një Përgjigje