FLASH
Shkruar nga Pamfleti
Napoletanët, me titullin tashmë të fituar, ia kanë dalë të bëjnë një paraqitje dinjitoze ndaj zikaltërve, në sfidën e javës së 36-të të Serie A, duke i mundur ata me rezultatin 3-1.
Ekipi i Inzaghit u shfaq në fushë me shumë ndryshime, teksa edhe Asllani luajti nga minuta e parë. Interi mbeti me një lojtar më pak në minutën e 41-të, pasi Gagliardini u ndëshkua me kartonin e dytë të verdhë.
Pas presionit konstant të ushtruar, ekipi i Spalletit mori frenat e ndeshjes pas golit të Anguissës në minutën e 67-të. Mysafirët u rifutën në lojë pas golit të Lukakut në minutën e 82-të, por vetëm përkohësisht, pasi një gol fantastik i Di Lorenzos do mposhtte Onanën.
Më pas Gaetano G shënoi golin e 3-të për vendasit në shtesë. Me këtë rezultat, Interi është në vendin e 3-të me 66 pikë dhe rrezikon të mbetet jashtë zonës Champions.
Lini një Përgjigje