FLASH
Shkruar nga Pamfleti
Napoli është çerekfinalisti i tretë i Kupës së Italisë. Ekipi i drejtuar nga Antonio Konte eliminoi Kaljarin nga “ruleta ruse”, pasi koha e rregullt në “Diego Armando Maradona” u mbyll në barazim 1-1.
Rezultati i takimit u zhbllokua në minutën e 28, kur Lorenco Luka shënoi me kokë, pas krosimit të marrë nga Antonio Vergara.
Sebastiano Espozito barazoi shifrat 1-1 në minutën e 67 dhe koha e rregullt u mbyll në barazim. Të dy ekipet iu drejtuan “ruletës ruse”, aty ku futbollistët e Napolit u treguan më të saktë, ku nga 10 penallti, gaboi vetëm David Neres.
Për Kaljarin gabuan dy futbollistë, Feliçi dhe në fund penalltia vendimtare e humbur nga Luvumbo. Napoli do të presë në çerekfinale fituesin e çiftit Inter-Venezia, sfidë që fillon pas pak në “San Siro”.
Lini një Përgjigje