FLASH
Shkruar nga Pamfleti
Marko Rojs do të vijojë karrierën futbollistike larg Evropës, pikërisht në Shtetet e Bashkuara të Amerikës.
Veterani gjerman, i cili u largua nga Borusia e Dortmundit pas 12 vitesh, do të jetë lojtari më i ri i LA Galaxy, sipas gazetarit të njohur sportiv, Fabrizio Romano.
Rojs do të nënshkruajë kontratë 1-vjeçare, me opsion zgjatjen edhe për 1 vit tjetër. 35-vjeçari do të udhëtojë ditët në vijim në SHBA për të kryer testet mjekësore e më pas për të firmosur kontratën.
“LA Galaxy ra dakord për të nënshkruar me Marko Rojs si lojtar i lirë, tashmë e konfirmuar. Pas marrëveshjes verbale të arritur në korrik, detajet tashmë janë sqaruar mes të gjitha palëve. Kontrata do të jetë deri në dhjetor 2025, me opsion zgjatjen edhe për 1 vit tjetër. Rojs, tani planifikon të udhëtojë në SHBA në ditët në vijim, pasi do të jetë gati për testet mjekësore dhe nënshkrimin e kontratës”, shkruan Romano në Facebook.
Lini një Përgjigje