
Edon Zhegrova gjeti rrugën e rrjetës në elitën e kampionatit francez.
Sulmuesi i Kosovës realizoi në minutën e 40 për Lilën në ndeshjen që këta të fundit luajtën në transfertë ndaj Le Havre. 24-vjeçari realizoi në mënyrën e tij, teksa dribloi bukur dy kundërshtarë dhe më pas me të majtën lëshoi një “predhë” me topin që u ndal në rrjetë.
Asgjë për të bërë nga ana e portierit kundërshtar që mundi vetëm të shijonte magjinë e sulmuesit shqiptar.
Në pjesën e dytë, Lilë iu gëzua edhe një autogoli për të fituar me shifrat 0-2.
Ky trepikësh e ngjit Lilën në vendin e gjashtë me 11 pikë, ndërsa vlen për t’u theksuar se ky ishte goli i parë i Zhegrovës në pesë ndeshje të kampionatit francez.
Lini një Përgjigje