FLASH
Shkruar nga Pamfleti
Është mbyllur me shifrat 2-1 sfida e sotme e Kategorisë së Parë. Lushnja ia ka dalë të triumfojë përballë Apolonisë në “Roza Haxhiu”.
Për vendasit golat u shënuan nga Kamisoko në minutën e 36 dhe nga Kaçanolli në minutën e 50. Apolonia nuk u dorëzua pas golit të dytë të pësuar dhe në minutën e 70 rihapi sfidën.
Maksuti u “harrua” në zonë nga mbrojtësit kundërshtarë dhe tundi rrjetën, duke çuar shifrat nga 2-0 në 2-1. Fierakët gjetën sërish rrugën e rrjetës në minutën e 83, por goli u anulua për pozicion jashtë loje të lojtarit të Apolonisë dhe në këtë mënyrë rezultati mbeti i pandryshuar.
Në minutat e mbetura të dyja ekipet luftuan, por pa mundur të shënonte gola të tjerë. Pas kësaj, fitoreje Lushnja shkon në kuotën e 21 pikëve dhe ngjitet përkohësisht në vendin e 5. Ndërkohë nga ana tjetër Apolonia mbetet në kuotën e 15 pikë në vendin e 9.
Lini një Përgjigje