FLASH
Shkruar nga Pamfleti
Pas polemikave, sherrit brenda dhomave të zhveshjes dhe pozitës së lëkundur të trajnerit Juriç, Roma reagon dhe fiton minimalisht 1-0 përballë Torinos në kuadër të javës së 10 në Serinë A. Pas vetëm 20 minutash lojë, Paulo Dibala kaloi verdhekuqtë në epërsi, në atë që doli të ishte goli i vetëm i ndeshjes.
La Joya ishte lojtari më i rrezikshëm i Romës, duke krijuar edhe shanse të tjera për gol, mirëpo i mungoi saktësia pas golit të epërsisë. Në minutën e 52, Dibala lëshoi një goditje të fuqishme brenda zonës, por që topi përfundoi ngjitur shtyllës së djathtë.
Rasti i parë serioz për mysafirët u krijua në minutën e 65, por Alieu Njie nuk arriti të mposhte portierin e Romës. Roma ia doli të mbante këtë epërsi minimale përkundër presionit të Torinos për t’i fituar tri pikët e para pas dy humbjeve radhazi dhe një barazimi. Pas javës së dhjetë, Roma është në vendin e dhjetë me 13 pikë, ndërsa në javen e 11 takohen me Veronën.
Fitore e madhe nga Lacio! Skuadra e drejtuar nga Baroni ka shkatërruar me 5 gola Komon në atë që ishte një sfidë e cila shkoi direkt në dishezë, pasi bardhekaltërit realizuan dy gola pas 31 minutash me Kastejanos dhe Pedro. Ekipi liqenor i drejtuar nga Fabregas reagoi me Mazitelin duke ngushtuar shifrat, por mbeti me dhjetë pas daljes me të kuq nga Braunoder.
I kuq që më pas kaloi tek ekipi tjetër, pasi edhe Nuno Tavares, asistuesi më i mirë në top 5 ligat kryesore europiane (8 pasime për gol) u përjashtua si pasojë e dy të verdhave.
Por, Lacio vazhdoi të sulmonte dhe gjeti edhe 3 gola të tjerë me Patrik, sërish Kastejanos dhe në fund me Lum Çauna. Lacio që ngjitet keshtu në vendin e 5 me 19 pikë, po aq sa Fiorentina dhe Atalanta.
Pikërisht Fiorentina mori sot një fitore të madhe në fushën e Xhenoas. Mjaftoi goli i shënuar nga Gosens për t’i dhënë suksesin djemve të Paladinos. Por, ishte një mrekulli e De Geas në fund që shmangu barazimin.
Lini një Përgjigje