FLASH
Shkruar nga Pamfleti
Transferimi i Rikardo Kalafiorit tek Arsenali pritet që të hetohet nga një grup avokatësh sipas një raportimi të ri. “Topçinjtë“ janë në fazën përfundimtare të mbylljes së transferimit të Kalafiorit për një shumë që pritet të jetë diku rreth 42 milionë euro.
Bolonja deri më tani e ka parandaluar transferimin për shkak të diskutimeve të shumta rreth strukturës së pagesës dhe klauzolës së lojtarit. Si pjesë e marrëveshjes, ish-klubi i Kalafiorit, Bazeli, do të fitojë 50 për qind të shumës që Bolonja do ta fitojë nga shitja e italianit.
Sidoqoftë, Roma, një prej ish-klubeve të tij, nuk është e kënaqur me aspektin financiar të marrëveshjes dhe në veçanti ata nuk janë të kënaqur me Bazelin, sipas “Gazzetta dello Sport“.
Ky problem tashmë është bërë një çështje ligjore mes Romës dhe Bazelit dhe mund të duhet ndërhyrja e gjykatës. Roma beson se duhet të fitojë 6.7 milionë euro nga ky transferim për shkak të klauzolës që kishin në marrëveshje kur Bazeli transferoi Kalafiorin.
Në verën e vitit 2022, Kalafiori iu bashkua ekipit zviceran për 2 milionë euro dhe ekipi italian sipas marrëveshjes, do të mbante 40 për qind të shitjes së tij në të ardhmen. Bazeli e shiti atë te Bolonja për 3.4 milionë euro, ndërsa Roma nga kjo marrëveshje mori 1 milionë euro.
Avokatët e të dyja klubeve tani janë duke u përpjekur që të gjejnë një zgjidhje për situatën e krijuar, pasi lojtari është në pritje të kompletimit të transferimit tek Arsenali.
Lini një Përgjigje