FLASH
Shkruar nga Pamfleti
Berat Gjimshiti është futbollisti më i vlerësuar i muajit shkurt në Serinë A. Ka qenë faqja e statistikave ‘Who Scored’ që e ka vlerësuar kapitenin e Kombëtares dhe mbrojtësin e Atalantës me notën 7.9, së bashku me Kastejanos të Lacios.
Gjimshiti nuk ka menduar vetëm për të penguar kundërshtarët të realizojnë, por ka shënuar gol ndaj Torinos dhe ka dhënë 2 asiste, me Veronën dhe Empolin.
Në katër ndeshjet e luajtura në shkurt, Gjimshiti ka qenë ndër më të vlerësuarit në fushë dhe mesatarja e paraqitjeve ka bërë që të jetë më i miri i muajit.
Lajm i mirë ky edhe për Kombëtaren në prag të dy ndeshjeve kualifikuese për Kupën e Botës 2026, kundër Anglisë në Londër më 21 mars dhe tre ditë më vonë në Tiranë kundër Andorrës.
Lini një Përgjigje