FLASH
Shkruar nga Pamfleti
Mançester Junajtid feston trofeun e parë në epokën “Ten Hag”. “Djajtë e Kuq” triumfuan në finalen e “Carabao Cup” përballë Njukasëllit, që e mposhtën pastër 2-0. Golat u shënuan në pjesën e parë nga Kasemiro dhe Rashford.
Për Junajtid ky është suksesi i gjashtë në histori në këtë kompeticion. Vetëm Liverpuli (9) dhe Mançester Siti (8) e kanë fituar më shumë “Carabao Cup”.
Për herë të fundit e kishte fituar gjashtë vite më parë. Po kaq vjet kishin “Djajtë e Kuq” pa fituar një trofe.
Mançester Junajtid kaloi në epërsi në minutën e 33 në finalen e “Carabao Cup”, në “Wembley”. “Djajtë e Kuq” fituan një goditje të lirë në një pozicion të rrezikshëm nga krahu i majtë i sulmit.
Shou krosoi topin për Kasemiron në qendër, me brazilianin që bëri më të mirën, duke e dërguar topin pas shpinës së Karius.
Vetëm pak minuta më vonë, një kundërsulm i shpejtë i futbollistëve të Junajtid përmbyllet me gol nga Rashford, i ndihmuar edhe nga devijimi i mbrojtësit.
Lini një Përgjigje