FLASH
Shkruar nga Pamfleti
Kombëtarja e Kosovës u mposht me rezultat 1-0 në shtëpi nga Turqia në finale të playoff-it për kualifikim në Kupën e Botës 2026.
Golin që i dha kualifikimin Turqisë e realizoi sulmuesi Kerem Akturkoglu në minutën e 53-të.
Në këtë ndeshje nga minuta e parë luajti ylli i Juventusit, Kenan Yildiz i cili në fund u zëvendësua pas 89 minutash në lojë.
E njëjtë nuk ishte situata për bashkëlojtarin e tij te ‘Zonja e Vjetër’, Edon Zhegrova, i cili u fut në lojë vetëm në pjesën e dytë.
Ylli kosovar u fut në lojë në minutën e 71-të, por pavarësisht disa momenteve të mira nuk ia doli që të bëjë dallimin.
Pas përfundimit të ndeshjes futbollistët turq filluan festën, por ajo që mori vëmendjen ishte gjesti i Kenan Yildiz.
20-vjeçari me të parë Zhegrovën vrapoi në drejtim të tij dhe i dha një përqafim duke e ngushëlluar për eliminimin.
Dyshja do të rikthehen sërish në aksion së bashku të hënën, kur Juventusi do të jetë nikoqir i Genoas në “Allianz Stadium”.
He’s consoling Zhegrova.. my shaylas ???? pic.twitter.com/oOptiTnJAQ
— bebe (@bebestellaa) March 31, 2026
Lini një Përgjigje