FLASH
Shkruar nga Pamfleti
Egnatia ka arritur një fitore të rëndësishme në transfertë ndaj Teutës, duke triumfuar 2-1 me përmbysje në ndeshjen e parë çerekfinale të Kupës së Shqipërisë. Takimi u zhvillua në stadiumin “Niko Dovana” në Durrës.
Vendasit kaluan të parët në avantazh në minutën e 11-të, kur Arifi realizoi golin e epërsisë për Teutën. Reagimi i Egnatias nuk vonoi dhe në fundin e pjesës së parë, Adjessa barazoi shifrat, duke e mbyllur 45-minutëshin e parë në baraspeshë.
Kur gjithçka po shkonte drejt një rezultati të barabartë, ishte Kryeziu ai që vendosi fatin e ndeshjes. Në minutën e 91-të, mesfushori lëshoi një goditje të saktë, duke i dhënë Egnatias golin e fitores dhe përmbysjen e madhe.
Me këtë sukses, Egnatia hedh një hap të rëndësishëm drejt kualifikimit në gjysmëfinalet e Kupës së Shqipërisë. Ndeshja e kthimit mes dy skuadrave do të luhet më 4 mars, në Rrogozhinë, ku do të përcaktohet edhe ekipi që do të avancojë më tej.
Lini një Përgjigje