FLASH
Shkruar nga Pamfleti
Përfudnojnë 2 ndeshjet e javës ës 30 të Abissnet Superiore. Tirana ka mundur 1-0 Vllazninë, ka marrë fitoren e katër radhazi dhe ka përforcuar vendin e parë duke shkuar përkohësisht tetë pikë larg Partizanit të vendit të dytë.
Goli i vetëm që vulosi fatin e këtij takimi dhe 3 pikët për bardheblutë erdhi në minutën e 43. Një aksion i shpejtë i ekipit të Orges Shehit me Abazajn, i cili gjeti të pavendosur mbrojtjen dhe shënoi golin e avantazhit falë edhe në devijimi të Bulatoviç. Vijon forma e mirë e sulmuesit të kampionëve të Shqipërisë.
Rasti i parë i rrezikshëm i përket minutës së 24. Kundërsulm i shpejtë i Tiranës, Hasani u shfaq para Zogoviç, por gjuajtja e tij nuk kaloi gardianin e kuqebluve.
Ndërkohë, në minutën e 35 erdhi një episod mjaft i diskutuar me shkodranët që kërkuan penallti.
Çoba hyri në zonë në të djathtë dhe Përgjoni e ndali, duke rrëzuar edhe sulmuesin. Shkodranët protestuan dhe kërkuan në kor penallti, por Cjapi dhe VAR-i sinjalizuan vazhdimin e lojës.
Me këtë fitore, Tirana mban e vetme vendin e parë me 56 pikë, ndërsa Vllaznia renditet në vendin e 4 me 42 pikë.
Në ndeshjen tjetër, atë të zhvilluar në “Niko Dovana”, Teuta ka mundur Erzenin me rezultatin e pastër 2-0. Durrsakët zhbllokuan sfidën në minutën e 64. Kallaku kaloi në avantazh ekipin e tij, ku u tregua i saktë nga pika e bardhë e penalltisë.
12 minuta më vonë, “Djemtë e Detit” dyfishuan shifrat. Kallaku dha asist për Lorenco Vilën dhe ky i fundit qendroi gjakftohtë përballë Xhikës.
Pjesa e parë u mbyll me rrjeta të paprekura. Rasti më i rrezikshëm i përket minutës e 12, me durrsakët që patën mundësinë të merrnin epërsinë me Albion Markun. Mesfushori goditi me të majtën potente, por Xhika bëri një super pritje duke i mohuar golin.
Me këtë fitore, Teuta ngjitet në vendin e 6 me 38 pikë, po aq sa Erzeni.
Lini një Përgjigje