FLASH
Shkruar nga Pamfleti
Mbrëmja Gala “Më të mirët 2023”, është finalizuar me “qershinë mbi tortë”, atë të çmimit, “Topi i Artë” për meshkujt. Çmimi u dha nga ish-fituesi i kampionit të botës, me Italinë, Gianluca Zambrotta, me këtë të fundit, që çmimin prestigjioz ja dorëzoi “fantazistit” të Partizanit, Arinaldo Rrapaj.
Rrapaj arriti të mposhte në garë “bomberin” e Tiranës, Florent Hasani, si dhe “veteranin” shkodran të sulmit, Bekim Balaj.
Ndërsa për kategorinë e femrava, burreljsa e Vllaznisë, Megi Doçi fitoi për të dytin vit radhazi këtë trofe, ku “parakaloi” në garë “fantazistin” Esmeralda Franja, si dhe “Këpucën e Artë” të këtij viti, Valentina Troka.
Ndërkohë u publikua edhe formacioni i vitit 2023, ku në portë është Alan Sherri. Në krahët e mbrojtjes janë Përgjoni i Tiranës dhe Hadroj i Partizanit, me qendrën që mbulohet nga Malota i Egnatias dhe Najdovski i Tiranës. Në mesfushë janë vendosur 2 “rrogozhinas”, Fernando e Aleksi, ndërsa i bashkohet “Demi i Kuq”, Arinaldo Rrapaj. Ndërka “tridenti” i sulmit plotëohet nga Tedi Cara, Florent Hasani dhe i ndjeri, Raphael Dwamena.
Çmimet:
Talenti i vitit: Arlind Kurti
Talentja e vitit: Klaudja Borçi
Këpuca e Artë, djem: Florent Hasani.
Këpuca e Artë, vajza: Valentina Troka
Arbitri i vitit: Enea Jorgji
Trajneri i vitit: Orges Shehi
Topi i Artë, Femra: Megi Doçi
Topi i Artë, meshkuj: Arinaldo Rrapaj
Lini një Përgjigje