FLASH
Shkruar nga Pamfleti
Më 7 dhe 14 gusht Dinamo e Ilir Dajës do përballet kundër kroatëve të Hajdukut të Splitit në turin e tretë kualifikues të Ligës së Konferencës. "Blutë" kanë përballë një rival me emër jo vetëm në Kroaci, por edhe një klub që ka fansa më gjerë.
Ish-mesfushori i Hajdukut të Splitit ka qenë edhe Ervin Bulku, zëvendës-trajneri i kombëtares shqiptare. Për "SlobodnaDalmacija", ai ka thënë se edhe pse është shqiptar, do bëjë tifo për Hajdukun e Splitit në këtë përballje.
"Ervin Bulku: Edhe pse jam shqiptar, do të bëj tifo për Hajdukun kundër Dinamo Siti në Europë", ky është titulli goditës dhe fjalët e Bulkut, që edhe pse ka luajur për Hajdukun mbi 15 vite më parë, ka ende një ndjenjë dashurie për këtë klub.
Në fillim të artikullit shkruhet: “Ervin Bulku veshi fanelën e Hajdukut rreth pesëmbëdhjetë vjet më parë dhe është ndihmës trajner në ekipin Kombëtar të Shqipërisë për shumë vite. Ai thotë se zemra e tij është me Hajdukun… Hajduku luan kundër Dinamos shqiptare në raundin e tretë kualifikues të Ligës së Konferencës. Shqiptarët eliminuan Atletik D’Eskalde dhe mbërrijnë në Split pas shtatë ditësh”, thuhet mes të tjerash.
Pas këtyre deklaratave është radha e Dinamos që mbrëmjen e 7 gushtit të reagojë në Split, aty ku luhet ndeshja e parë. Më 14 gusht gjithçka për kalimin në “play-off” e Ligës së Konferencës vendoset në "Elbasan Arena".
Lini një Përgjigje