FLASH
Shkruar nga Pamfleti
Elbasani ka siguruar kualifikimin në gjysmëfinalen e Kupës së Shqipërisë, pasi mposhti Partizanin me rezultatin 1-3 në çerekfinale. Ndeshja u zhvillua në stadiumin “Arena e Demave”, ku verdheblutë arritën të merrnin një fitore të rëndësishme ndaj të kuqve.
Pas përfundimit të takimit dhe vërshëllimës finale të gjyqtarit Eldorjan Hamiti, në fushë u shënuan momente tensioni mes lojtarëve të dy skuadrave.
Në qendër të incidentit u përfshinë Emiljano Musta i Elbasanit, ish-lojtar i Partizanit, dhe futbollisti i të kuqve Saliu Sembene. Situata u tensionua për disa çaste, ndërsa stafet e të dyja ekipeve ndërhynë për të qetësuar lojtarët dhe për të shmangur përshkallëzimin e konfliktit.
Nuk raportohet për incidente të tjera apo masa disiplinore të menjëhershme, ndërsa pritet të shihet nëse organet përkatëse do të marrin masa pas ngjarjes.
Lini një Përgjigje