FLASH
Shkruar nga Pamfleti
Struga ka triumfuar 1-0 ndaj Buduknostit në shtëpi, në sfidën e parë të turit të dytë të Ligës së Konferencës. Sukses i rëndësishëm ky për skuadrën nga Maqedonia e Veriut, që shkon në ndeshjen e kthimit me avantazhin në xhep.
Ekipi i drejtuar nga Shpëtim Duro dominoi plotësisht ndeshjen, duke krijuar një mori rastesh përballë kundërshtarëve të cilët drejtoheshin nga Mlladen Milinkoviç, ish-trajneri i Luftëtarit dhe Kukësit. Ibraimi, Shabani e Radeski krijuan disa mundësi të mira para portës dhe në fund ishte si zakonisht numri 9 ai që tundi rrjetën në minutën e 30 për t’i dhënë avantazhin skuadrës së tij.
Dominimi në lojë dhe raste vazhdoi edhe në pjesën e dytë të ndeshjes, por skuadra e Strugës shpërdoroi shumë para portës kundërshtare, duke humbur disa mundësi të mira për të thelluar avantazhin e krijuar. Kështu, sfida u mbyll me shifrat 1-0, duke lënë përsëri të hapur kualifikimin për ndeshjen e kthimit pas një jave në Podgoricë.
Lini një Përgjigje