FLASH
Shkruar nga Pamfleti
Barcelona është e gatshme të merret seriozisht me rikthimin e Lionel Mesit në Katalonjë.
Siç raporton “Mundo Deportivo”, klubi tashmë ka ndërmarrë veprime për të bindur argjentinasin, që të rikthehet në “shtëpi”, pasi kontrata me PSG-në i skadon në qershor.
Vetë presidenti Joan Laporta ka zhvilluar një bisedë me babanë dhe agjentin e lojtarit, Horge Mesi. Fillimisht për të folur për një ceremoni nderuese të veçantë për lojtarin më të mirë të “Blaugranas” ndonjëherë.
“Ne jemi në kontakte me përfaqësuesit e Leo Mesit. “Pleshti” e di sa shumë mirënjohje kemi për të dhe do të donim që ai të kthehej përsëri te Barcelona. Isha i përfshirë në negociatat e kontratës dy vjet më parë dhe akoma e kujtoj sa e vështirë ishte ta linim të largohej.
E sigurt që Mesi e dashuron Barçën dhe qytetin, kështu që shpresojmë të gjejmë kushtet e duhura për të vazhduar këtë histori.”-tha zv.presidenti i Barcelonës, Rafa Juste.
Trajneri Çavi tashmë ka dhënë dritën jeshile për të përshpejtuar operacionin
Lini një Përgjigje