FLASH
Shkruar nga Pamfleti
Borusia Dortmund dhe Real Madrid përballen sot në Londër në stadiumin mitik “Uembli” për trofeun e Ligës së Kampioneve, në një finale që i jep fund një sezoni futbollistik të jashtëzakonshëm për të dy skuadrat në arenën ndërkombëtare.
Gjermanët kanë kaluar çdo parashikim, teksa mbërritën në finalen e turneut duke bërë surpriza të njëpasnjëshme dhe tani kërkojnë të thyejnë edhe një skuadër që nuk di të humbasë kur vjen në këtë pikë.
Ndërsa Reali vjen me petkun e favoritit, të një superekipi që kërkon të çojë në 15 numrin e trofeve të fituar në histori, që e bëjnë këtë praktikisht turneun e preferuar të tyre.
Karlo Ançeloti ka respektuar traditën dhe ka publikuar shumë herët formacionin e ekipit të tij, dy orë e gjysmë para fillimit të ndeshjes, duke mos dhuruar surpriza, pasi është konfirmuar Kurtua në portë dhe Kamavinga në mesfushë.
Formacionet zyrtare:
Borusia Dortmund: Kobel, Adejemi, Brandt, Can, Fulkryg, Humels, Matsen, Rjerson, Sabitcer, Sanço, Skolterbek.
Trajner: Edin Terziç
Real Madrid: Kurtua, Karvahal, Rydiger, Naço, Mendi, Kamavinga, Valverde, Kros, Belingam, Rodrigo, Vinicius.
Trajner: Karlo Ançeloti
Lini një Përgjigje