FLASH
Shkruar nga Pamfleti
Ndeshja e javës së 25-të në Ligën e Parë të Turqisë mes Igdir FK dhe Umranijespor është mbyllur në barazim 1-1. Protagonist në këtë përballje ishte mesfushori shqiptar Jurgen Bardhi, i cili shënoi për skuadrën mike.
28-vjeçari, aktualisht pjesë e Umranijespor, gjeti rrugën e rrjetës në minutën e 53-të, duke rikthyer kështu te goli pas një periudhe prej dy muajsh pa finalizim. Ky ishte realizimi i tij i katërt në kampionat këtë sezon, në 21 paraqitje të regjistruara.
Bardhi ka një karrierë të spikatur edhe në futbollin shqiptar, ku me Partizanin fitoi titullin kampion në sezonin 2018-2019, si dhe Kupën e Shqipërisë në edicionin 2019-2020.
Sipas të dhënave të publikuara nga “Transfermarkt”, vlera e kartonit të lojtarit nga Fushë-Kruja vlerësohet në 500 mijë euro.
Lini një Përgjigje