FLASH
Shkruar nga Pamfleti
Stilisti i njohur Valdrin Sahiti ka dorëzuar pasaportën e tij diplomatike në Ministrinë e Punëve të Jashtme të Kosovës.
Bëhet me dije se Sahiti e ka dorëzuar pasaportën diplomatike më 26 prill, 13 ditë pasi u raportua se ai u arrestua nga policia në aeroportin e Stambollit për posedim të lëndëve narkotike. Lajm, të cilin e mohoi më pas.
Dorëzimi i pasaportës u konfirmua nga zëdhënësia për media nga Ministria e Jashtme e Kosovës, Qëndresa Fazliu.
“Z. Sahiti ka dorëzuar në MPJD pasaportën diplomatike me datë 26.04.2023. Të njëjtit me kërkesë të tij, i është pavleftësuar pasaporta diplomatike”, ka thënë Fazliu.
Ajo megjithatë shtoi se nuk ka ndonjë raport zyrtar nga autoritetet turke lidhur me raportimet për ndalimin e Sahitit muajin e kaluar.
”Gjithashtu ju njoftojmë se deri tani, MPJD nuk ka pranuar asnjë raport zyrtar nga autoritetet turke, lidhur me raportimet e mediave për ndalimin a arrestimin e z. Sahiti në shtetin turk”, tha ajo për mediat kosovare.
Lini një Përgjigje