FLASH
Shkruar nga Pamfleti
Vetëm pak ditë pas largimit të papritur nga shtëpia e Big Brother VIP Kosova, Lim Hoti ka reaguar për herë të parë publikisht, duke i dhënë fund spekulimeve që kishin mbajtur publikun në dilemë.
Rrugëtimi i tij në reality show u shoqërua nga një trekëndësh i ndërlikuar emocionesh, ku në qendër ishin ish-partnerja Alba dhe banorja tjetër Dolce.
Megjithatë, deklarata e parë e Limit jashtë shtëpisë ka qenë e prerë dhe pa asnjë hapësirë interpretimi: ribashkimi nuk është në plan me asnjërën prej tyre.
Në një intervistë telefonike për “Andale Media”, Limi ka zgjedhur të flasë hapur, duke dhënë një version ndryshe nga narrativa që u krijua gjatë transmetimit të spektaklit.
Duke folur për raportin me Albën, ai ka habitur me mënyrën se si e ka përshkruar situatën, duke e konsideruar atë si të dëmtuar nga ekspozimi mediatik.
“Mënyra si e shoh unë Albën është thjesht një viktimë e televizioneve. Më vjen keq që po e them,” u shpreh ai.
Sa i përket aludimeve për ndonjë takim apo sqarim jashtë shtëpisë me njërën nga vajzat, Lim Hoti ka qenë edhe më i drejtpërdrejtë, duke i mbyllur të gjitha dyert me një fjali të vetme.
“Nuk po e pres asnjërën, me thënë të drejtën, sepse jam i zënë. Nuk po mendoj fare për këta persona.”
Deklarata e tij lë të kuptohet se, pavarësisht dramave dhe emocioneve që u shfaqën brenda shtëpisë, jeta private e Limit jashtë BBVK është tashmë e stabilizuar, ndërsa kapitulli i trekëndëshit duket se është mbyllur përfundimisht.
Lini një Përgjigje