FLASH
Shkruar nga Pamfleti
Paraqitja e Jennifer Lopez në Arabinë Saudite, për Çmimin e Madh të Formula 1 në Arabinë Saudite, u komentua në masë. E veshur me një veshje rozë në stilin “Barbie”, ajo tërhoqi vëmendjen ndërsa ecte nëpër pistën Jeddah Corniche.
Ylli 55-vjeçar u pa duke biseduar me CEO-n e F1, Stefano Domenicali, dhe vizitoi garazhin e skuadrës Ferrari, duke i dhënë një ‘prekje’ të veçantë eventit.
Gjatë transmetimit live, komentatori David Croft bëri një shaka me një nga hitet e saj të vjetra, “Waiting for Tonight”, duke thënë:
“Jam i habitur që ajo është këtu tani – mendova se ishte duke pritur për sonte.”
Shaka që u prit me mendime të ndryshme nga publiku.
Pas përfundimit të fazës së kualifikimeve, Lopez performoi në skenë së bashku me Party Next Door, Major Lazer dhe Usher. Kjo ishte hera e parë që ajo performonte në një event të F1 që prej vitit 2014, kur ishte pjesë e GP-së në Singapor.
Në pistë, Max Verstappen siguroi vendin e parë në nisje (pole position) me një xhiro rekord, duke lënë pas ngushtë Oscar Piastrin nga McLaren me vetëm 0.010 sekonda diferencë.
Por kualifikimet nuk kaluan pa drama – Lando Norris, lideri aktual i kampionatit, u përplas në kthesën 4 dhe do të nisë nga vendi i 10-të, gjë që mund të ndikojë në fushatën e tij për titull.
Ndërkohë, Lewis Hamilton vazhdoi me rezultatet e vakëta në këtë sezon. Ai arriti vetëm vendin e 7-të, prapa shokut të tij të skuadrës, Charles Leclerc.
View this post on Instagram
Lini një Përgjigje